Դեմոկրատները կարող են 238 տեղ ստանալ Ներկայացուցիչների պալատում. CNN

Դեմոկրատները Ներկայացուցիչների պալատում կարող են ստանալ 238 տեղ, իսկ հանրապետականները՝ 197: Այս կանխատեսմամբ հանդես Է եկել CNN հեռուստաալիքը՝ նշելով, որ թվային գերակշռությունը դեմոկրատների համար կարող Է ապահովել Կալիֆոռնիան, որտեղից Ներկայացուցիչների պալատում 53 կոնգրեսական Է ընտրվում:

Այն դեպքում, եթե այս կանխատեսումները հաստատվեն, դեմոկրատները Ներկայացուցիչների պալատում կզբաղեցնեն խոսնակի պաշտոնն, ինչպես նաեւ կգլխավորեն բոլոր կոմիտեները:

Ըստ որում CNN-ի, NBC-ի եւ Fox News-ի կանխատեսումների տվյալներով՝ Հանրապետական կուսակցությունը պահպանել Է մեծամասնությունն ԱՄՆ-ի Կոնգրեսի Սենատում: CNN հեռուստաալիքի տվյալներով՝ այդ կուսակցությունից սենատոր Թեդ Քրուզը հաղթանակ Է տարել Տեխասի նահանգում, ինչը հանրապետականների համար երաշխավորել Է Սենատի նկատմամբ վերահսկողությունը:

Հեռուստաալիքը ճշտում Է, որ Թենեսիում, Ինդիանայում եւ Հյուսիսային Դակոտայում քվեարկության արդյունքների հայտարարվելուց հետո, որտեղ հաղթել են հանրապետականների թեկնածուները, Դեմոկրատական կուսակցությունը կորցրել Է Կոնգրեսի վերին պալատի նկատմամբ վերահսկողությունը վերադարձնելու շանսերը: Ստույգ տվյալներ այն տեղերի քանակի մասին, որոնք յուրաքանչյուր կուսակցություն կունենա Սենատում, առայժմ չեն բերվում, քանի որ որոշ նահանգներում շարունակվում Է ձայների հաշվարկը, հաղորդել Է ՏԱՍՍ-ը: