«Բարսելոնա»-ն առաջինն է, որն ապահովեց փլեյ-օֆֆի ուղեգիր

Չեմպիոնների լիգայի խմբային փուլի 4-րդ տուրում, ինչպես արդեն տեղեկացրել ենք, «Բարսելոնա»-ն 1:1 հաշվով է ավարտել հանդիպումը «Ինտեր»-ի հետ:

Այս արդյունքի շնորհիվ կատալոնյան թիմը դարձավ առաջին ակումբը, ով դուրս եկավ մրցաշարի փլեյ-օֆֆ փուլ:  «Բարսելոնա»-ն 17-րդ անգամ անընդմեջ հաջողությամբ է հաղթահարում  խմբային փուլը:

B խմբում կատալոնացիները 10 միավորով առաջատարն են, «Ինտեր»-ը 7 միավորով երկորդն է, «Տոտենհեմը»` երրորդը (4) , Վերջին տեղում մեկ միավոր վաստակած ՊՍՎ-ն է: