Սամբոյի աշխարհի առաջնությունում Հայաստանը կունենա 14 մարզիկ
Սպորտ
Սամբոյի աշխարհի առաջնությունում Հայաստանը կունենա ընդհանուր առմամբ 14 մասնակից:
Նոյեմբերի 9-11-ը Բուխարեստում կանցկացվի Սամբոյի աշխարհի 2018 թ. առաջնությունը: Ըստ նախնական հայտերի՝ «Sala Polivalenta» մարզապալատի գորգ դուրս կգա 77 երկիր ներկայացնող 720 մարզիկ: Ընդհանուր առմամբ կխաղարկվի մեդալների 27 հավաքածու՝ տղամարդկանց մարզական և մարտական, կանանց՝ մարզական 9-ական քաշային կարգերի համար:
Հետաքրքրական է, որ հաղթողներն ու մրցանակակիրները կստանան նաև դրամական պարգևներ. ոսկե մեդալի համար՝ 3000, արծաթե՝ 2000, բրոնզե՝ 1500 ԱՄՆ դոլար:
Առաջնության խորհրդանիշը գորշ գայլն է. ըստ Ստրաբոնի, ռումինների նախնիք՝ դակերը, իրենց այդպես էին կոչում Daqi:
Ռումինիայի մայրաքաղաք է մեկնում նաև Հայաստանի սամբոյի ազգային հավաքականը:
Կանանց առաջնությունում հանդես կգան Ասյա Լալազարյանը՝ 48 կգ և Աննա Մկրտչյանը՝ +80 կգ քաշային կարգերում:
Տղամարդկանց մարզական սամբոյի առաջնությունում կունենանք 8 մասնակից` Տիգրան Կիրակոսյան (52 կգ), Մաքսիմ Մանուկյան (57 կգ), Արման Նիազյան (62 կգ), Ռաֆիկ Մանուկյան (68 կգ), Արսեն Ղազարյան (74 կգ), Դավիթ Գրիգորյան (82 կգ), Գրիգոր Սահակյան (90 կգ):
Եվս վեց մարզիկ ուժերը կչափեն մարտական սամբո դասում. Գրիգոր Մխիթարյան (52 կգ), Մխիթար Մխիթարյան (57 կգ), Կարեն Իսախանյան (62 կգ), Վաչիկ Վարդանյան (68 կգ), Դավիթ Պետրոսյան (82 կգ):
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
