«Բանանց»-ն ու «Լոռի»-ն Հայաստանի գավաթի խաղարկության կիսաեզրափակչում են

Հայաստանի գավաթի խաղարկության կիսաեզրափակչի ուղեգիր նվաճեցին «Բանանց»-ը և «Լոռի»-ն:

«Նաիրի» մարզադաշտում կայացած խաղում խփվեց միայն մեկ գնդակ: «Բանանց»-ի կազմում 50-րդ րոպեին աչքի ընկավ Էրիկ Պետրոսյանը: Այս թիմերի առաջին հանդիպումն ավարտվել էր 3:1 հաշվով՝ հօգուտ «Բանանց»-ի: Երկու խաղերի ընդհանուր 4:1 հաշվով «Բանանց»-ը շարունակում է պայքարը Հայաստանի գավաթի համար: Կիսաեզրափակչի մյուս ուղեգիրը նվաճեց «Լոռի»-ն, որը երկու խաղերի ընդհանուր` 3:1 հաշվով գերազանցեց «Փյունիկ»-ին:

Նախօրեին կիսաեզրափակչի ուղեգիր նվաճեցին «Ալաշկերտ»-ը և «Արարատ-Արմենիա»-ն, որոնք կմրցեն միմյանց դեմ: