Սև կատու․ սնահավատությո՞ւն, թե՞ իրականություն

Կատուները ամենահին սրբազան կենդանիներն են։ Այս կենդանիները միշտ եղել են հասարակության կողմից հարգված, քանի որ ոչնչացնում էին վնասատու կենդանիներին և պահպանում բերքը։ Այս մասին գրում է ВЕЧЕРНЯЯ МОСКВА-ն։

Իսկ այ օրինակ եգիպտացիների կարծիքով կատուները հասարակությանը բարիք են բերել։ Կատուն Եգիպտոսում պաշտամունք է եղել և անգամ իրենց աստվածուհիներից մեկին պատկերել են կատվի գլխով և ասել են, թե նա 9 կյանք ունի: Կատուն այնտեղ մարմնավորել է ուրախություն, երջանկություն սեր և հարմարավետություն։

Սև կատուների հետ կապված կարծրատիպը դեռևս հին կելտերից է գալիս, քանի որ հատկապես սև կատուները աչքի են ընկել առանձնահատուկ դաժանությամբ, որը նկատելի է դարձել օձերի դեմ նրանց պայքարում։ Եվ քանի որ հայտնի է՝  կատուները սիրում են իրենց որսը բերել այն տներ, որտեղ իրենք մնում են, հետևաբար մարդկանց համար անցանկալի է եղել իրենց տանը օձ տեսնելը: Սա հիմք է դարձել, որ սև կատուներին համարեն անհաջողության և դժբախտության խորհրդանիշ։

Աշխարհում նոյեմբերի 17-ին նշվում է  սև կատուների տոնը։

Փաստն այն է, որ այս կենդանիներն ասոցացվում են սնոտիապաշտության հետ։

Փորձենք հասկանալ՝ ինչու է սև կատուն սնահավատների ուշադրության կենտրոնում հայտնվել և արդյո՞ք արժե հավատալ հնագույն նշաններին։

Սև կատուները ասոցացվում են մութ ուժերի հետ, քանի որ դրանք ամենախորհրդավոր կենդանիներ են, և ավելին, նրանց տեսքը ևս շատ ֆենոմենալ է: Հին ժամանակներում մարդիկ նույնիսկ սև կատուներին էին վերագրում վերածնունդ հասկացողությունը:

Սև մագիան, կախարդանքը, չար ուժերի հետ կապերը վերագրվում էին սև կատուներին, քանի որ կարծում էին, որ այդ կենդանիները կապ ունեն Սատանայի հետ և նույնիսկ նրանց օգնականներն են։ Եվ աստիճանաբար կատուները դարձան թշվառության և մահվան խորհրդանիշ:  Բայց այժմ ապացուցվել է, որ կատուների գույնը բացարձակ կապ ունենալ չի կարող չար էներեգետիկայի հետ։ Դա պարզապես ժամանակի ընթացքում կարծրացած ավանդույթներ ու գաղափարներ են, որոնց դեռ հետևում են հնի կողմնակիցները։

Այժմ ներկայացնում ենք հավաքած բոլոր «զրույցները», որոնք վերագրում են սև կատուներին

1․ Ասում են սև կատուներին ճանապարհին հանդիպելը դժբախտություն է բերում

Սա հայտնի է բոլորին: Եվ նույնիսկ եթե դուք սնոտիապաշտ չեք, երբ տեսնում եք ձեր ճանապարհը կտրող սև կատու, կանգ եք առնում և մտածում՝ արդյոք սև կատուն դժբախտության և նյութական վնասներ է բերում:

2․ Ճանապարհին հայտնված սև կատուն հաջողություն է բերում

Ահա վերոնշյալ սնահավատության հակասությունը: Ենթադրվում է, որ եթե սև կատուն հայտնվում է ճանապարհին ուրեմն դա այն վայրն է, որտեղ դուք պետք է գնաք, և ինչ նպատակ ունեք՝ անպայման հաջողությամբ կպսակվի։

3․ Սև կատուն ձեր տուն սեր է բերում

Շատերի համար պաստառների, մանրանկարների վրա նկարազարդված սև կատուները դարձել են սիրո և քնքշության խորհրդանիշ։ Սա իսկապես պարադոքս է: Ենթադրվում է, որ սև կատուներն ու նրանց նախնիները՝ լուսանները խորհրդանշել են խարիզմա, կրքոտ խառնվածք:

4․ Սև կատուները բուժում են իրենց տերերի հիվանդությունը

Ըստ ավանդույթի՝ սև կատուները երբ զգում են իրենց տերը հիվանդ է նրանց բուժում են իրենց մազերի միջոցով։

5․ Սև կատուները պաշտպանում են տունը չար աչքերից

Բանն այն է, որ ըստ ավանդույթի կատուները կարողանում են բանակցություններ վարել վերին իշխանությունների հետ, և եթե այդտեղ որևէ բանից դժգոհ են լինում, կատուներն իրենց տերեին պաշտպանում են զայույթից և բարկությունից։

Պատրաստեց ԼՈՒՐԵՐ․com-ը