Վթար Շիրակի մարզում. կա տուժած

Նոյեմբերի 24-ին, ժամը 17:13-ին «911» ծառայությանն ահազանգ է ստացվել, որ Շիրակի մարզի Ազատան գյուղի սկզբնամասում տեղի է ունեցել ՃՏՊ. անհրաժեշտ է փրկարարների օգնությունը:

Դեպքի վայր է մեկնել ԱԻՆ ՓԾ հրշեջ-փրկարարական ջոկատից մեկ մարտական հաշվարկ:

Պարզվել է, որ բախվել են «Opel Vectra» մակնիշի (վարորդը՝ Ա. Ն.), «ԳԱԶել» մակնիշի (վարորդը՝ Ժ. Բ., ծնված 1992 թ.) ավտոմեքենաները և «Mercedes» մակնիշի ավտոբուսը (վարորդը՝ Գ. Կ., ծնված 1974 թ., Վրաստանի քաղաքացի): Բախման հետևանքով «ԳԱԶել» մակնիշի ավտոմեքենայի վարորդ Ժ. Բ.-ն տարբեր բնույթի մարմնական վնասվածքներով հոսպիտալացվել է Գյումրու ԲԿ, որտեղ բժիշկները տուժածի առողջական վիճակը գնահատել են բավարար:

Փրկարարները հոսանքազրկել են ավտոմեքենաները, դադարեցրել վառելիքի արտահոսքը և սահմանազատել տարածքը: