Ռոնալդուի նոր ձեռքբերումը Չեմպիոնների լիգայում

Չեմպիոնների լիգայի խմբային փուլի 5-րդ տուրում «Յուվենտուս»-ը տնային խաղում  նվազագույն հաշվով հաղթել է «Վալենսիա»-ին: Հանդիպման միակ գոլը 59-րդ րոպեին խփել է Մարիո Մանջուկիչը:

Այդ խաղում արդյունավետ փոխանցմամբ աչքի է ընել Կրիշտիանու Ռոնալդուն: 33-ամյա  պորտուգալացու համար իսպանական թիմի նկատմամբ հաղթանակը 100-րդ հաղթական խաղն էր Չեմպիոնների լիգայում:

Ռոնալդուն դարձավ առաջին ֆուտբոլիստը, որը գրանցեց այս ցուցանիշը:

Հատկանշական է, որ Ռոնալդուն ավելի շատ հաղթանակ է տոնել քան մրցաշարին մասնակցած 140 ակումբներից  136-ը: