ՀՀԿ-ն հայտարարում է «Եթե մտահոգ ես...» հումորային պաստառների մրցույթ. հաղթողները կհրավիրվեն ճաշի
Քաղաքական
ՀՀԿ երիտասարդական կազմակերպությունը հայտարարում է «Եթե մտահոգ ես…» թեմատիկայով պաստառների մրցույթ: Այս մասին գրված է կուսակցության երիտասարդական կազմակերպության ֆեյսբուքյան էջում:
Հայտարարությունը ներկայացնում ենք ստորեւ.
«Սոցիալական ցանցերում տարածվեցին Հայաստանի Հանրապետական կուսակցության «Եթե մտահոգ ես…» իմիջային քարոզարշավի բազմաթիվ նմանակումներ եւ կատակներ։
Մենք գնահատում ենք հումորը եւ հայտարարում մրցույթ.
Հայաստանի Հանրապետական կուսակցության երիտասարդական կազմակերպությունը հայտարարում է «Եթե մտահոգ ես…» թեմատիկայով պաստառների մրցույթ հետեւյալ անվանակարգերով.
Ամենակրեատիվ պաստառ
Ամենահումորային պաստառ
Ամենաազդեցիկ պաստառ (գնահատվելու է նախընտրական քարոզարշավի շրջանակներում շրջանառվող թեմաների լուսաբանումը)
Մրցույթի երեք անվանակարգերում հաղթող մասնակիցները ընտրություններից հետո կհրավիրվեն ճաշի ՀՀԿ համապետական ցուցակի առաջին երեք թեկնածուների հետ։
Մրցույթին մասնակցության համար անհրաժեշտ է ուղարկել Ձեր պաստառները ՀՀԿ Երիտասարդական Կազմակերպության պաշտոնական ֆեյսբուքյան էջին։
Ծանուցում. ուղարկելով աշխատանքները՝ Դուք տալիս եք Ձեր համաձայնությունը մրցույթի կազմակերպիչներին օգտագործել դրանք քարոզչական եւ այլ նպատակներով»:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
