ՌԱԿ-ը հայտարարություն է տարածել

Ռամկավար Ազատական կուսակցության կենտրոնական վարչությունը հայտարարություն է տարածել դեկտեմբերի 9-ին Հայաստանում կայանալիք արտահերթ խորհրդարանական ընտրությունների վերաբերյալ: Հայտարարության մեջ նշվում է, որ Ռամկավար Ազատական կուսակցությունը սփյուռքում հիմնադրված հայկական ազգային երեք կուսակցություններից մեկն է, և հակառակ այ իրողությանը, որ, լինելով սփյուռքահայ կուսակցություն, գործնականում չի մասնակցում Հայաստանում կայացող ընտրություններին, չի կարող անմասն մնալ այնտեղ կատարվող որևէ իրադարձությունից:

Հիմնվելով վերոհիշյալի վրա՝ Ռամկավար Ազատական կուսակցությունը շեշտում է.

1. Ռամկավար Ազատական կուսակցությունը հայրենիքը միշտ վեր է դասել և գնահատել ամեն վարչակարգից: Այն հստակորեն տարբերակում է իշխանությունը պետականությունից և, լինելով պետականամետ կուսակցություն, միշտ հայ ժողովրդի հետ է:
2. Հայրենիքի ու հայրենաբնակ ժողովրդի բարօրությունը, զարգացումը, կայունությունն ու ապահովությունը կարմիր գծեր են, որոնց երաշխավորման համար ՌԱԿ-ը ոչ մի ջանք չի խնայել իր պատմության ընթացքում:
3. Սփյուռքի միասնականության և հայրենիքի նվիրումի սկզբունքը ՌԱԿ-ը միշտ բարձր է գնահատել և հանդիսանում է դրա ջատագովը:
4. Արցախի հիմնահարցի արդար լուծումը՝ հիմնված ժողովուրդների ինքնորոշման իրավունքի վրա, մնում է ՌԱԿ-ի ուշադրությա կիզակետում:
5. Հավատալով մարդկային պատմության առաջընթացին՝ ՌԱԿ-ը հավատում է պետական հաստատությունների առողջ գոյությանը: Այն անվերապահ զորակցում է հայրենիքում ժողովրդավարական կարգերի, գործելաոճի և մտածելակերպի հաստատմանն ու զարգացմանը, որը ենթադրում է ազատ խոսքի ու կարծիքի անկաշկանդ կիրառում ու փոխադարձ հանդուրժողականություն, էթնիկ թե քաղաքական կամ ընդդմիադիր փոքրամասնությունների հանդեպ մեծամասնության կողմից բացարձակ հարգանք և իրավունքների երաշխավորում:

«Հիմնուելով վերոյիշեալներուն վրայ՝  Ռամկավար Ազատական Կուսակցութիւնը կոչ կ'ուղղէ հայրենաբնակ իր ազգակիցներուն, ըլլան անոնք ընտրութեանմասնակից քաղաքական կողմեր ու դաշինքներ թէ քուէարկող քաղաքացիներ, պատասխանատուութեան բարձր գիտակցութեամբ մօտենալու յառաջիկայընտրութիւններուն: Պէտք չէ մտահան ընել, թէ հայրենիքի ու հայ ժողովուրդի ապագան մեծապէս կախեալ է յառաջիկայ ընտրութիւններու նմանիրադարձութիւններէ, որուն բարեյաջող ընթացքը ու անոր գործընթացին մասնկացութիւնն ու ճիշդ եւ խղճամիտ ընտրութիւնը կենսական են ու մեր ժողովուրդինվայել քաղաքակրթութեան չափանիշ: Մի մոռնաք, որ մեր ժողովուրդի թշնամիներն ու բարեկամները աչալուրջ կը հետեւին մեզ:

Հետեւաբար, սիրելի հայրենակիցներ, մեծ թիւերով մասնակցեցէ՛ք քուէարկութեան: Դուք էք իսկական իշխանութիւնը, փոփոխութիւնն ու արժէքը: Քուէատուփն է չափանիշը: Ռամկավար Ազատական Կուսակցութիւնը կը հաւատայ ձեր՝ ճիշդ մարդիկը խորհրդարան հասցնելու ողջմտութեան, որոնք լաւագոյնս կրնաններկայացնել ձեզի ու թարգմանը հանդիսանալ ձեր յոյզերուն եւ յոյսերուն: Ձեր ընտրած խորհրդարանը ինքն է, որ պիտի կազմէ յառաջիկայ կառավարութիւնը, որմեր երկիրը պէտք է առաջնորդէ դէպի աւելի ապահով, անվտանգ, կայուն, խաղաղ,  ու փայլուն ապագայ:

Յաջողութիւն բոլորիս, իսկ մեր հայրենիքին ու անոր պետականութեան՝ յաւերժութիւն»,- ասված է կուսակցության հայտարարության մեջ: