«Արսենալ»-ը հաղթեց․ Մխիթարյանը մասնակցեց խաղին (տեսանյութ)

Անգլիայի առաջնության 14-րդ տուրում Լոնդոնի «Արսենալ»-ը հյուրընկալեց «Տոտենհեմ»-ին ու հաղթեց 4:2 հաշվով:

Մեկնարկից 10 րոպե անց Օբամեյանգը 11 մետրանոցից բացեց հաշիվը, ֆուտբոլիստը 56-րդ րոպեին իր երկրորդ գոլը խփեց այս խաղում: 

Հանդիպման 74-րդ րոպեին Էմերիի թիմից աչքի ընկավ նաև Լակազեթը, որին հաջորդեց Տորեյրայի գոլը (77'):

Հայաստանի հավաքականի ավագ Հենրիխ Մխիթարյանը դաշտի տերերի մեկնարկային կազմում էր և փոխարինվեց 46-րդ րոպեին:

Նշենք, որ հյուրերը հանդիպումն ավարտեցին 10 հոգով. 85-րդ րոպեին երկրորդ դեղինը ստացավ և դաշտից հեռացվեց Յան Վերտոնգենը:

Հյուրերի կազմում աչքի ընկան Էրիկ Դայերը(30') և Հարի Քեյնը (34', 11մ):

Այս խաղից հետո «Արսենալ»-ը 30 միավորով Պրեմյեր լիգայի մրցաշարային աղյուսակի 4-րդ տեղում է: