ՈւԵՖԱ-ն նոր մրցաշար է ստեղծել

ՈւԵՖԱ-ն ակումբային նոր մրցաշար կանցկացնի՝ 2021թ.-ից:

Մրցաշարը կանցկացվի Չեմպիոնների լիգայի և Եվրոպայի լիգայի ձևաչափով: Խմբային փուլում հանդես կգան 32 ակումբներ:

Մրցաշարը կազմված կլինի խմբային փուլից (8 խումբ, 4-ական ակումբ), 1/8 եզրափակչից, քառորդ եզրափակչից, կիսաեզրափակչից և եզրափակչից:

1/8 եզրափակչից առաջ  կլինի փլեյ-օֆի լրացուցիչ փուլ. Այս փուլում միմյանց կհանդիպեն խմբերի 2-րդ և Եվրոպայի լիգայի խմբերի 3-րդ տեղերը  գրաված թիմերը:

Նոր մրցաշարում կլինի 141 խաղ և 15 խաղային օր: Մրցաշարի հաղթողը եվրոպայի լիգայի հաջորդ մրցաշրջանի ուղեգիր կնվաճի: