«Ռեալ»-ը «Ոսկե գնդակ»-ի մրցանակակիրների քանակով դարձավ առաջինը

Փարիզում, ինչպես արդեն տեղեկացրել ենք, կայացել է «Ոսկե գնդակ»-ի հանձնման արարողությունը:

Մրցանակը բաժին է հասել Մադրիդի «Ռեալ»-ի ու Խորվաթիայի հավաքականի ֆուտբոլիստ Լուկա Մոդրիչին:

Խորվաթ ֆուտբոլիստը դարձավ մադրիդյան թիմի 7-րդ խաղացողը, ով արժանանում է այս մրցանակին:

Նախկինում մրցանակին արժանացել են Ալֆրեդո Դի Ստոֆանոն (1957, 1959), Ռայմոն Կոպան(1958), Լուիշ Ֆիգուն (2000), Ռոնալդոն (2002), Ֆաբիո Կանավարոն (2006)  և Կրիշտիանու Ռոնալդուն (2013, 2014, 2016, 2017).

Մադրիդյան թիմը շրջանցեց «Բարսելոնա»-ին, «Յուվենտուս»-ին ու «Միլան»-ին, որոնք ունեն մրցանակին արժանացած 6-ական ֆուտբոլիստ:

«Ոսկե գնդակ»-ների ընդհանուր քանակով մադրիդյան թիմը հավասարվեց «Բարսելոնա»-ին: