Կառավարությունն առաջարկում է դեկտեմբերի 7-ը նշել որպես երկրաշարժի զոհերի հիշատակի և աղետներին դիմակայունության օր

Դեկտեմբերի 7-ը կարող է նշվել, որպես երկրաշարժի զոհերի հիշատակի և աղետներին դիմակայունության օր: Այսպիսի օրենսդրական նախաձեռնություն է մշակել ՀՀ կառավարության կողմից, որն էլ ներկայացվեց դեկտեմբերի 7-ին Գյումրիում կայացած արտագնա նիստում:

«Հաշվի առնելով, որ ներկայումս դեկտեմբերի 7-ը համաձայն «Հայաստանի Հանրապետության տոների և հիշատակի օրերի մասին» Հայաստանի Հանրապետության օրենքի 15-րդ հոդվածի՝ նվիրված է 1988 թվականի Սպիտակի երկրաշարժի զոհերի հիշատակին, ինչպես նաև ՀՀ վարչապետի ««Աղետներին դիմակայունության օր» միջոցառումների անցկացման ծրագիրը հաստատելու մասին» որոշման նախագծով նախատեսվող իրականացվելիք միջոցառումների ընդհանուր ուղղվածությունը՝ անհրաժեշտություն է առաջացել դեկտեմբերի 7-ը նշել նաև որպես աղետներին դիմակայունության օր»,- ասաց ՀՀ արտակարգ իրավիճակների նախարարի պաշտոնակատար Ֆելիքս Ցոլակյանը:

ՀՀ կառավարության դեկտեմբերի 7-ի արտագնա նիստը նվիրված է 1988թ. երկրաշարժի 30-րդ տարելիցին: