Բուժհաստատություններում ընտրություններին մասնակցելու հնարավորություն է ունեցել ստացիոնար բուժում անցնող 844 քաղաքացի

Հայաստանի ԱԺ արտահերթ ընտրություններին բժշկական հաստատություններում շրջիկ արկղերի միջոցով ընտրելու հնարավորություն է ունեցել ստացիոնար բուժում ստացող 844 քաղաքացի:  Այս մասին Կենտրոնական ընտրական հանձնաժողովում կայացած մամուլի ասուլիսում ասաց ՀՀ առողջապահության նախարարության բժշկական օգնության քաղաքականության վարչության արտահիվանդանոցային բժշկական օգնության քաղաքականության բաժնի մասնագետ Հովիկ Բալյանը:

«Այս պահին տեղեկատվություն ենք ստացել թվով 39 բուժհաստատություններից, ըստ տվյալների՝ ընտրելու հնարավորություն են ունեցել ստացիոնար բուժում ստացող 844 քաղաքացի»,- ասաց Բալյանը:

Քվեարկությունն իրականացվել է առավոտյան ժամը 8:00-ից մինչև 18:00-ն: