Սխալ մարկետինգը խաթարում է մի ամբողջական համակարգ

«Հայկական Ջերմուկը ունի շատ արտակարգ բացառիկ բարձր որակ և չի զիջում ոչ մեկին»,-ասում է Սպառողների միության նախագահ Արմեն Պողոսյանը,-«բայց այստեղ կար մի կոպիտ սխալ՚ Ջերմուկի վրա գրվում էր սեղանի ջուր»,- հավելում է Արմեն Պողոսյանը։

Սպառողների միության նախագահի կարծիքով` Ջերմուկը սեղանի ջուր չէ, Ջերմուկը բուժիչ ջուր է, իսկ բուժիչ նշանակում է դեղին հավասար, և Ջերմուկը պետք է խմել բուժիչ նպատակներով, իսկ առօրյայում խորհուրդ չի տրվում խմել։

«Իսկ եթե մատուցվում է որպես սեղանի ջուր, ապա խախտվում է տրամաբանությունը: Ահա այս պատճառով էլ Ամերիկայի սննդի համապետական հանձնաժողովն արգելեց, որովհետև ստուգումների արդյունքում մկնդեղ էին հայտնաբերել և հայտարարել էին, որ դա վտանգ է։ Բանն այն է, որ նրանք համեմատել էին մկնդեղի պարունակությունը խմելու ջրի հետ ու ասել էին, թե գերազանցում է, վատ է, բայց Ջերմուկի բուժիչ հատկությունն այդ մկնդեղի մեջ է»ՙ-ասում է Արմեն Պողոսյանը։

Բանախոսի կարծիքով` այս սխալի պատճառով տուժեցին և՛ ձեռնարկատերերը, և՛ երկիրը՝ կորցնելով թե հեղինակությունը, թե արտահանման մի մեծ հատված։

Այս մոտեցումը, ըստ բանախոսի, գործում է նաև սուրճի արտահանման և գովազդման ոլորտում, և սխալ կազմակերպվող մարկետինգը խաթարում է մի ամբողջական համակարգ, ու նվազում են սուրճի արտահանման ցուցանիշները, որոնք կարող են շատ բարձր լինել, թեպետ Հայաստանը սուրճի երկիր չէ, բայց սուրճ խմողների ցուցանիշով չի զիջում այլ երկրներին։