Wall Street-ի բանկերը հայտնել են շահույթի ռեկորդային նվազեցումների մասին

Bloomberg գործակալությունը հայտնում է, որ Wall Street-ի 5 խոշորագույն JPMorgan Chase & Co, Bank of America (BofA), Citigroup Inc., Goldman Sachs Group Inc. և Morgan Stanley բանկերը հայտնել են իրենց շահույթի ռեկորդային նվազեցումների մասին:

Այս տարվա առաջին կիսամյակում վերոնշյալ 5 բանկերի ընդհանուր շահույթը կազմել է 161 մլրդ. ԱՄՆ դոլար, ինչը 4.5%-ով ցածր է անցյալ տարվա նույն ժամանակաշրջանի արդյունքներից:

Ըստ Bloomberg-ի մասնագետների, տվյալ ցածր արդյունքները կապված են վարկային ցածր տոկոսադրույքների, առևտրի նվազման և ԱՄՆ-ի ու Չինաստանի տնտեսական դանդաղ աճի տեմպերի հետ:
Goldman Sachs Group Inc., BofA Morgan Stanley և JPMorgan Chase բանկերն արդեն հայտարարել են խնայողական քաղաքականություն իրականացնելու մտադրության մասին:

Տվյալ 5 խոշորագույն բանկերն արդեն «կտակ» են կազմել՝ պետությանն առաջարկելով իրենց սնանկանալու դեպքում տարբեր ֆինանսական ընկերություններին և հիմնադրամներին վաճառել բանկերի բաժնետոմսերի մի մասը: