Լոռու մարզում քարաթափումից մահացածները մայր և դուստր են․ նոր մանրամասներ

Լոռու մարզում այսօր` հուլիսի 14-ին, տեղի ունեցած քարաթափման հետևանքով մահացածները Վանաձոր քաղաքի բնակիչներ են` մայր ու դուստր: Այս մասին NEWS.am-ը տեղեկացավ Ալավերդու ԲԿ-ից:

Մեզ հետ զրույցում ԲԿ-ից հայտնեցին, որ քարաթափման հետևանքով մահացածները Վանաձորի բնակիչներ 35-ամյա Կարինե Գալստյանն է և նրա 12-ամյա դուստրը` Լիլիա Մկրտումյանը, իսկ ընտանիքի հայրը` 35-ամյա Վարդան Մկրտումյանը, ողնաշարի գոտկային հատվածի և մարմնի այլ մասերի վնասվածքներով տեղափոխվել է Երևանի «Սուրբ Գրիգոր Լուսավորիչ» ԲԿ:

Պարզվել էր, որ կա երկու զոհ (Կ.Գ., ծնված 1984 թ. ու Լ.Մ., ծնված 2007 թ.) և մեկ տուժած (Վ.Մ., ծնված 1984 թ.):

Աղբյուր՝ NEWS.am