Ազգային պարկն անգործության է մատնված եղել. Յուրի Ջավադյան
Հասարակություն
Գիտությունների ազգային ակադեմիային առընթեր Սևանա լճի պահպանության փորձագիտական հանձնաժողովի նախագահ Յուրի Ջավադյանը կարծում է, որ «Սևան ազգային պարկն» անգործության է մատնված եղել: Ջավադյանը նման տեսակետ հայտնեց ԱԺ-ում «Բարգավաճ Հայաստան» խմբակցության նախաձեռնությամբ «Սևանա լճի հիմնախնդիրները և դրանց լուծման ուղիները» թեմայով աշխատանքային քննարկմանը:
«Բարգավաճ Հայաստան» խմբակցության պատգամավոր Միքայել Մելքումյանը հետաքրքրվեց, թե ինչու քաղաքական հեղափոխությունից հետո չենք կարողանում չկեղտոտել Սևանը: «Ուզում եմ տեսնել, թե վերջին 1.5 տարում ով ինչ պետք է արվեր, որ չի արել: Պետական կառավարման համակարգում ո՞վ ի՞նչ պետք է աներ վերջին 5 տարում, որ չի արել»,- հարցրեց պատգամավորը:
«Սևան ազգային պարկը անգործության էր մատնված: Եթե Սևան ազգային պարկը մեզ հետ համատեղ աշխատեր, մենք 10 մաքրման կայանների փոխարեն կունենայինք տեղադրված 100 մաքրման կայան»,- ասաց Ջավադյանը:
Մելքումյանն առաջարկեց անմիջապես քննարկումից հետո խմբակցությունում քննարկել ու հարց ուղղել կառավարությանը՝ ազգային պարկի հետ կապված: Նա նշեց՝ եթե Ջավադյանի ասած հիմնավորումը ճիշտ է, ապա ազգային պարկն այդ տեսքով չպետք է գործի: Սակայն պատգամավորը շեշտեց՝ ակնհայտ է, որ պետք է ազգային պարկ:
ՈՒՂԻՂ ԵԹԵՐ
Ամենադիտված 
«Լևոն արքայի» նկատմամբ որպես խափանման միջոց է ընտրվել տնային կալանքը (տեսանյութ)
