2012թ.-ի հունվար-հունիս ամիսներին ՀՀ պետբյուջեի հարկային մուտքերը

ՀՀ Պետական Եկամուտների Կոմիտեն հրապարակել է 2012թ.-ի հունվար-հունիս ամիսներին ՀՀ պետական բյուջե հավաքագրված հարկային եկամուտների, պետական տուրքերի և պարտադիր սոցիալական ապահովության վճարների մասին հաշվետվություն: Այս տարվա առաջին կիսամյակում բյուջե կատարված մուտքերը կազմել են 395.3 մլն ՀՀ դրամ, ինչը նախորդ տարվա նույն ժամանակահատվածի համեմատ ավելացել է 5.4%-ով:

Ըստ հրապարակված հաշվետվության, ԱԱՀ-ի մուտքերը, անցյալ տարվա հունվար-հունիս ամիսների տվյալների համեմատ, այս տարի ավելացել են 3.7%-ով՝ կազմելով 154.6 մլն ՀՀ դրամ, շահույթահարկից մուտքերը՝ 10.3%-ով (62.4 մլն ՀՀ դրամ): Ակցիզային հարկի մուտքերը՝ 22.2 %-ով (12.8 մլն ՀՀ դրամ), պետական տուրքերից մուտքերը՝ 10.5%-ով (10,8 մլն ՀՀ դրամ), ծխախոտի արտադրության համար հաստատագրված վճարները՝ 8.6%-ով (10.6 մլն ՀՀ դրամ), այլ հարկային եկամուտները՝ 10.1%-ով (15,6 մլն ՀՀ դրամ), պարտադիր սոցիալական ապահովության վճարները՝ 0.7%-ով (61.3 մլն ՀՀ դրամ), իսկ մաքսատուրքերից և հաստատագրված վճարներից մուտքերը նվազել են, համապատասխանաբար, 1.4% (16.7 մլն. ՀՀ դրամ) և 15.1% (8.3 մլն. ՀՀ դրամ):
2011-2012 թվականների հունիս ամսվա հարկատեսակների տեսակարար կշիռը հարկային եկամուտների կազմում ունի հետևյալ տեսքը.

• ԱԱՀ՝ 2011թ.-ին 48%, իսկ 2012թ.-ին 47.1%
• Շահութահարկ՝ 2011թ.-ին 20.8%, 2012թ.-ին 19%
• Եկամտահարկ՝ 2011թ.-ին 11.7%, 2012թ.-ին 12.3%
• Ակցիզային հարկ՝ 2011թ.-ին 3.6%, 2012թ.-ին 3.9%
• Ծխախոտի արտադրության համար հաստատագրված վճար՝ 2011թ.-ին 3.1%, 2012թ.-ին 3.7%
• Հաստատագրված վճարներ՝ 2011թ.-ին 3.2%, 2012թ.-ին 1.8%
• Մաքսատուրք՝ 2011թ.-ին 6.4%, 2012թ.-ին 6.2%
• Այլ հարկային եկամուտներ՝ 2011թ.-ին 3.3%, 2012թ.-ին 5.9%:

Մաքսատուրքերի նվազումը հիմնականում կապված է դրամի արժեզրկման հետևանքով ներմուծման ծավալների կրճատման հետ, ինչը իր հերթին ներքին շուկայում գնաճի հետևանք է դառնում:

Շահութահարկից մուտքերի ավելացումը կապված է նոր ընկերությունների և ձեռնարկությունների գրանցման և գործունեություն ծավալելու, ինչպես նաև արդեն գործող կազմակերպությունների շրջանառության ավելացման հետ: Մտավոր սեփականության գործակալությունից ստացված տեղեկությունների համաձայն, 2012 թ.-ի առաջին կիսամյակում ՀՀ-ում գրանցվել է 1,039 նոր կազմակերպության անվանում, իսկ ազգային ընթացակարգով գրանցվել է 814 ապրանքային նշան և 7 արդյունաբերական նմուշ:

Սոցիալական ապահովության վճարները գրեթե փոփոխության չեն ենթարկվել, ինչը խոսում է այն մասին, որ ՀՀ-ում 2012թ.-ի առաջին կիսամյակում, նախորդ տարվա նույն ժամանակաշրջանի համեմատ, փոփոխության չի ենթարկվել:

Այդ տվյալներից հետևում է, որ ՀՀ կառավարությանն անհրաժեշտ է նոր միջոցառումների իրականացում երկրում զբաղվածների թվի աճը խթանելու համար։