Facebook-ի աշխատանքում խափանում է տեղի ունեցել

Աշխարհի մի շարք երկրներում Facebook սոցիալական ցանցի օգտատերերը լույս հոկտեմբերի 1-ի գիշերը խափանումների են բախվել կայքի աշխատանքում: Այդ մասին վկայում են Downdetector ծառայության էջում զետեղված տվյալները, որը հետեւում է ժողովրդականություն վայելող ինտերնետ-ռեսուրսների աշխատանքին:

Սոցիալական ցանցի աշխատանքում խափանումները սկսել են դիտվել հոկտեմբերի 1-ին Երեւանի ժամանակով 06:20-ից հետո:

Խափանումներից առավել հաճախ գանգատվում են Ինդոնեզիայի, Ճապոնիայի, ԱՄՆ-ի, Լեհաստանի, Գերմանիայի, Պերուի, Բրազիլիայի օգտատերերը: Ռուսաստանում խնդիրներ են ունեցել Մոսկվայի օգտատերերը: Downdetector-ի տվյալներով՝ Facebook-ի օգտատերերի 58 տոկոսը գանգատվում է նորությունների ժապավենի աշխատանքում տեղ գտած խափանումներից, եւս 23 տոկոսը՝ սոցալական ցանցի աշխատանքի լիակատար անջատումից, 18 տոկոսը խնդիրներ է ունենում օգտահաշիվներ մտնելիս, հաղորդել է ՏԱՍՍ-ը: