Ռուսաստանից Հայաստան ներմուծված սերմերն անպիտան էին
Տնտեսություն
Այսօրվա ասուլիսին «Հայաստանի ագրարագյուղացիական միավորում» հասարակական կազմակերպության նախագահ Հրաչ Բերբերյանը, խոսելով Ռուսաստանից Հայաստան ներկրված ցորենի սերմերի որակի մասին, ասաց. «էլիտար համարվող սերմը, որը ներկրված է Ռուսաստանից, չի համապատասխանում մեր ամբողջ տարածաշրջանի կլիմային: Սերմի պիտակի վրա նույնիսկ գրված է, որ այն նախատեսված է հյուսիսային Կովկասի համար: Այսինքն՝ այն նաև ամբողջ Ռուսաստանի համար չեն էլ գրանցել»։ Բանախոսը նաև նկատեց, որ այդ սերմացուն պատշաճ փորձաքննություն չի անցել, ինչը պահանջվում է «Սերմերի մասին» օրենքով:
Հրաչ Բերբերյանի կարծիքով, տեղի է ունեցել մասնագիտական սխալ և անպայման պետք է հանձնաժողով կազմվի, այնուհետև փորձաքննություն անցկացվի, որպեսզի պարզ դառնա, թե ով է մեղավոր կատարված հանցագործության մեջ։
Բանախոսը նշեց, որ ցանքատարածությունների շուրջ 12-15% բերք չեն տվել, ցորենի արտերի 8-10%-ը բերքահավաքի համար պիտանի չեն, ցողունի բարձրությունը 17-20 սմ է, այնինչ գաճաճ ցորենն ունի առնվազն 40-45 սմ:
ՈՒՂԻՂ ԵԹԵՐ
Ամենադիտված 
«Մարինան նույնպես չկարողացավ հաղթել այդ չարիքին». Իրինա Թովմասյանը ցավալի լուր է հայտնել
