Գագիկ Բեգլարյանը ընդունել է Համաշխարհային բանկի ճանապարհային ծրագրի ղեկավար Վիքրամ Քուտարիին

Հայաստանի Հանրապետության տրանսպորտի եւ կապի նախարար Գագիկ Բեգլարյանը հուլիսի 31-ին ընդունել է Համաշխարհային բանկի ճանապարհային ծրագրի ղեկավար Վիքրամ Քուտարիին եւ Համաշխարհային բանկի երեւանյան գրասենյակի այլ ներկայացուցիչների:

Հանդիպման ընթացքում Գագիկ Բեգլարյանը նշել է, որ նախարարությունը պատրաստ է շարունակել համագործակցությունը Համաշխարհային բանկի հետ' ինչպես ընթացիկ, կենսական նշանակության ճանապարհների բարելավման ծրագրի, այնպես էլ նոր ծրագրի շրջանակներում եւ անել հնարավոր ամեն բան' այն արագ իրագործելու ուղղությամբ:

Վիքրամ Քուտարին բավարար գնահատական է տվել ընթացիկ ծրագրի իրականացմանը եւ ներկայացրել նոր ծրագրի վերաբերյալ Համաշխարհային բանկի առաջարկությունը: Նախարարն իր պատրաստակամությունն է հայտնել՝ օժանդակելու նոր ծրագրի նախապատրաստմանն ու իրագործմանը, կարեւորել հնարավոր խնդիրների արագ արձագանքումը: Նա ընդգծել է, որ պետք է հստակեցնել մոտեցումները հետագա ծրագրի շրջանակներում ճանապարհների ընտրության հարցում, նրանց անվտանգության, պատշաճ սպասարկման ուղղությամբ:

Վիքրամ Քուտարին կիսել է նախարարի մտահոգությունները եւ հավելել, որ առավել ուշադիր կլինեն բարձրացված հարցերի նկատմամբ:
Նախարար Գագիկ Բեգլարյանը եւ Վիքրամ Քուտարին կարեւորել են երկկողմ հարաբարերությունները եւ հույս հայտնել, որ հետագա համագործակցությունը կունենա ամուր հիմքեր: