Չեմպիոնների լիգա. շաբաթվա լավագույն ֆուտբոլիստի կոչման հավակնորդները

ՈւեՖԱ-ն հրապարակել է Չեմպիոնների լիգայի խմբային փուլի 4-րդ տուրի լավագույն ֆուտբոլիստի կոչման հավակնորդներին:

Շաբաթվա լավագույն ֆուտբոլիստի կոչմանը հավակնում են  «Ռեալի» հարձակվող Ռոդրիգոն, ով «Գալաթասարայ»-ի հետ հանդիպմանը  հեթ-տրիկի է հեղինակել  (6:0),  «Տոտենհեմ» հարձակվող Սոն Հեն Մինը, ով «Ցրվենա Զվեզդայի» հետ խաղում դարձել է դուբլի և գոլային փոխանցման հեղինակ  (4:0), Դորտմունդի «Բորուսիա»-ի  պաշտպան Աշրաֆ Հակիմին, ով դուբլ է ձևակերպել  «Ինտեր»-ի հետ խաղում  (3:2),  ՊՍԺ-ի դարպասապահ Կեյլոր Նավասը, ով «Բրյուգե»-ի դեմ խաղում   4 սեյվ է կատարել  (1:0):