«Ճանապարհորդություն դեպի դժոխք». վրացի դիզայները ցնցել է հանդիսատեսին (լուսանկարներ)

Վրացի դիզայներ Լևան Շվելիձեի ցուցադրությունը, որն անցկացվել է Mercedes-Benz նորաձևության շաբաթվա շրջանակներում, ցնցել է հանդիսատեսին և վրդովմունք առաջացրել սոցիալական ցանցերի օգտատերերի շրջանում:

Բանն այն է, ցուցադրության ժամանակ բեմի վրայով քայլել են կարճ, նեղ զգեստներ հագած երիտասարդներ: Մոդելների գլուխը եղել է արյունոտված, իսկ մաշկը՝ գունատ: Ցուցադրության որոշ մասնակիցներ իրենց ձեռքերում կացին և խաչ են պահել:

«Աշխատելով սահմանափակ ունակություններ ունեցող անձանց հետ՝ ես նրանցից ոգեշնչվեցի: Հետո նրանց ստեղծագործությունները կապեցի պապիկիս հետ, որը ինձ հիացրել էր վրացական, արտասահմանյան կամ նույնիսկ հորինված պատմություններով, որոնք նա պատմում էր ինձ, որոնցից ես գաղափարներ եմ ստեղծել», - ասել է դիզայները:

Շվելիձեն նշել է, որ ոգեշնչման երկրորդ աղբյուրը գոթական վեպերն են, գիտական ֆանտաստիկայի ֆիլմերը, որոնք լի են միստիկայով և գերբնական արարածներով: Հետևաբար, իր շոուի մեջ վերամիավորվել են Էլֆերի, փերիների, կախարդների, վամպիրների և այլ արարածների պատկերները:

Նշենք, որ Լևան Շվելիձեն վրաց երիտասարդ դիզայներ է, ով հայտնի է Levau Shvelidze բրենդով: