Ֆիլիպ Կիրկորովը չի վճարել մոտ 3 հազար ռուբլի կոմունալ պարտքերը

Ռուս երգիչ Ֆիլիպ Կիրկորովը մոսկովյան կոմունալ ծառայություններին պարտք է 2.8 հազար ռուբլի: Այս մասին հայտնում է «Москва» լրատվական գործակալությունը՝ հղում անելով պարտքերի հավաքագրման փաստաթղթերին:

Համաձայն թղթերի՝ Կիրկորովից գումարը կգանձվի դատարանի միջոցով:  Գործակալությունն ընդգծում է, որ պարտքերը գոյացել են կոմունալ վճարումները չիրականացնելու հետևանքով: 

Նշվում է, որ գործի վերաբերյալ դատարան են դիմել դեռ անցած տարվա հունիսին, բայց սրա մասին հայտնի է դարձել միայն հիմա: