Նոր կարգավորումներ միս-մսամթերք և կաթ-կաթնամթերք արտադրողներին

ՀՀ-ում սննդամթերքի անվտանգության մակարդակի բարձրացման համար ՀՀ ԳՆ Սննդամթերքի անվտանգության պետական ծառայությունում հանդիպում է կազմակերպվել ծառայության և միս-մսամթերք ու կաթ-կաթնամթերք արտադրողների միջև:

Միս-մսամթերք արտադրողների հանդիպմանը ներկա են եղել «Բարի Սամարացի» ՍՊԸ, «ԱՐ Դելիկատես» ՍՊԸ, «Բեկոն» ՍՊԸ, «Նատֆուդ» ՓԲԸ, «Գալստյաններ հայր և որդի» ՍՊԸ, «Էրեբունու Աստղ» ՍՊԸ, «Սոս 97» ՍՊԸ, «Ռոյալֆուդ» ՍՊԸ, «Բիլյան» ՍՊԸ կազմակերպությունները:

Հանդիպման ժամանակ պարզաբանվել է, որ ՀՀ-ում որպես մսամթերք դիտարկվում է միայն ՀՀ կառավարության 2006թ. հոկտեմբերի 19-ի N 1560-Ն որոշման հասկացություններում նշված արտադրանքները, այսինքն՝ մսամթերքն այն սննդամթերքն է, որի բաղադրագրում մսային բաղադրիչների զանգվածային բաժինը 60%-ից բարձր է, և կարող է պարունակել ոչ մսային բաղադրիչներ:

Անդրադարձ է կատարվել այն հարցին, որ արտադրողը պետք է սահմանի հիմնավորված պիտանելիության ժամկետ՝ ելնելով օգտագործվող մսի, փաթեթավորող նյութերի, արտադրության սանիտարահիգիենիկ պայմաններից: Տնտեսվարողներին տեղեկացվել է նաև, որ այսուհետ ՀՀ ԳՆ սննդամթերքի անվտանգության պետական ծառայությանը ներկայացնեն իրենց կողմից արտադրվող արտադրատեսակների պիտանելիության ժամկետների սահմանման հիմնավորումներ:

Քննարկումների ընթացքում նշվել է, որ բուսական ծագում ունեցող հումքը, որն օգտագործվում է մսամթերքի արտադրությունում, պետք է ունենա ուղեկցող փաստաթուղթ՝ գենետիկորեն ձևափոխված մթերքի մասին տեղեկատվությամբ:

Տնտեսավարողների համար պարզաբանվել է նաև այն հարցը, որ արտադրատեսակների նկատմամբ սահմանված լաբորատոր հսկողության պարբերականությունը պետք է համաձայնեցնել Ծառայության համապատասխան ստորաբաժանման հետ, և արտադրողը պետք է սահմանի խիստ վերահսկողություն մսի և մսամթերքի արտադրության կազմակերպություններին ներկայացվող հիգիենիկ պահանջների պահպանման նկարտմամբ:

Կաթ-կաթնամթերք արտադրողներից հանդիպմանը ներկա են եղել «Բոնիլատ» ՍՊԸ, «Աշտարակ կաթ» ՓԲԸ, «Թամարա և Անի» ՍՊԸ, «Թամարա» ՍՊԸ, «Սիս-Ալպ» ՍՊԸ, «Դուստր Մարիաննա» ՍՊԸ, «Չանախ» ՍՊԸ, «Արզնու տոհմային ԹՏԽ» ՍՊԸ, «Մուլտի Ագրո» ՍՊԸ, «Էլիտ Շանթ» ՍՊԸ կազմակերպությունները:

Հանդիպման սկզբում նշվել է արտադրանքի բնութագրի ճշտությունը և պիտանելիության ժամկետը պահպանելու անհրաժեշտությունը, մասնավորրապես պաղպաղակինը՝ ելնելով սեզոնային առանձնահատկություններից, որի հետ կապված կաթ-կաթնամթերք արտադրողներին նույնպես տեղեկացվել է, որ այսուհետ ՀՀ ԳՆ սննդամթերքի անվտանգության պետական ծառայությանը ներկայացնեն իրենց կողմից արտադրվող արտադրատեսակների պիտանելիության ժամկետների սահմանման հիմնավորումներ:

Քննարկվել են նաև կաթի մեջ սոդայի և ջրածնի պերօքսիդի առկայության վերաբերյալ հարցեր, և անդրադարձ կատարվել այն հարցին, որ պետք է առանձնահատուկ մոտեցում ցուցաբերել մանկական և հատուկ նշանակության կաթնամթերքի նկատմամբ:

Տնտեսավարողների համար պարզաբանվել է նաև այն հարցը, որ արտադրատեսակների նկատմամբ սահմանված լաբորատոր հսկողության պարբերականությունը պետք է համաձայնեցնել Ծառայության համապատասխան ստորաբաժանման հետ, և արտադրողը պետք է սահմանի խիստ վերահսկողություն մսի և մսամթերքի արտադրության կազմակերպություններին ներկայացվող հիգիենիկ պահանջների պահպանման նկարտմամբ: