Նոր կանոններ չփաթեթավորված հացի և խոհարարական արտադրանքի համար
Տնտեսություն
Սննդամթերքի անվտանգության պետական ծառայությունում տեղի է ունեցել հանդիպում Ծառայության պետի և ՀՀ սուպերմարկետների հետևյալ ներկայացուցիչների միջև՝ «Սթար Դիվայդ» ՓԲԸ, «Ալեքս Գրիգ» ՍՊԸ, «Սաս Գրուպ» ՍՊԸ, «Անդակո» ՍՊԸ, «Նոր Զովք» ՍՊԸ:
Քննարկման ժամանակ արծարծվել են չփաթեթավորված հացի մակնշմանը վերաբերող հարցեր: Տրվել է լրացուցիչ տեղեկատվություն առանց փաթեթավորման հացի պահպանման վերաբերյալ, համաձայն որի, առանց փաթեթավորման հացի իրացումը կատարվում է միայն տեղեկատվական թերթիկի առկայության դեպքում, որտեղ պետք է նշված լինեն՝
- պատրաստողի անվանումն ու հասցեն,
- հացատեսակի անվանումը,
- վառարանից հանելու ժամը, իրացման ժամկետը,
- էներգետիկ արժեքը,
- 100գ հացի մեջ սպիտակուցի, յուղի և ածխաջրերի պարունակությունը,
- սահմանված ստանդարտի նշագիրը,
- տեղեկություններ սերտիֆիկացման մասին
Նշվել է նաև այն, որ անհրաժեշտ է նվազագույնի հասցնել սպառողի շփումը չփաթեթավորված հացի հետ՝ հիգիենայի նկատառումներից ելնելով:
Հանդիպման ընթացքում քննարկման առաջնային թեմա էր հանդիսանում նաև սուպերմարկետներում խոհարարական արտադրանքի (աղցանների, տաք ուտեստի և այլ) արտադրման ժամկետների և հիգիենայի նկատմամբ խիստ հսկողությունը հենց սուպերմարկետների կողմից:
ՈՒՂԻՂ ԵԹԵՐ
Ամենադիտված 
Ջուր չի լինի հուլիսի 28-ին ժամը 07.00-ից մինչև հուլիսի 29-ը ժամը 07.00-ն
