Toyota-ն ետ է կանչել 1.5 միլիոն մեքենա

Ճապոնական Toyota կոնցեռնը ետ է կանչել վաճառված 1.5 միլիոն մեքենա` հնարավոր տեխնիկական խնդիրների պատճառով: Այդ մասին հաղորդում է lenta.ru-ն:

Toyota-ն մասնավորապես ետ է կանչել 600 հազար մեքենա եվրոպական շուկայից և 778 հազար մեքենա` ամերիկյան շուկայից: Խոսքը RAV4, Avensis, Auris և Lexus HS մեքենաների մասին է, որոնք արտադրվել են 2005-2011 թվականներին:

Բանն այն է, որ մեքենաների թափքի ետևի մասում որոշ ամրացումներ սխալ են արված, ինչի հետևանքով ետևի կամրջի մասերը կարող են ժագնոտվել:

Հավելենք, որ Toyota-ն նախկինում էլ է ետ կանչել վաճառված մեքենաների խոշոր խմբաքանակներ, որոնք ունեցել են թերություններ՝ կապված ապակիները բարձրացնող մեխանիզմների, անվտանգության բարձիկների և գազի ոտնակի հետ: