Արմավիան հրաժարվեց անորակ Superjet-երից

Արմավիա ընկերությունը, լինելով ռուսական «Սուխոյ» կոնցեռնի արտադրության Sukhoi Superjet-100-ի առաջին գնորդը, հրաժարվում է ինքնաթիռից: Այս մասին գրում է Lenta.ru-ն:

Բացի առաջին Superjet-ից, Արմավիան հրաժարվեց նաև պատվիրված 2-րդ ինքնաթիռից, որը պետք է ստանար հունիսի վերջին օրերին: Այդ մասին հայտնի դարձավ Ֆարնբորոյի ավիաշոուի ժամանակ, երբ Արմավիայի ներկայացուցիչը հայտարարեց, որ ընկերությունը որոշել է նախապատվությունը տալ Airbus-ին և Boeing-ին:

Նշենք, որ Sukhoi Superjet-100-ը ԽՍՀՄ փլուզումից հետո  Ռուսական արտադրության առաջին քաղաքացիական մարդատար ինքնաթիռն է, որի առաջին գնորդը 2011 թվականին եղավ Արմավիան: Շահագործման շուջ 15 ամիսների ընդացքում Superjet-երը մի քանի անգամ հայտնվել են վթարային իրավիճակներում, իսկ ինքնաթիռներից մեկը մայիսին վթարի ենթարկվեց Ինդոնեզիայում, ինչի հետևանքով զոհվեց 45 հոգի: