Պետք չի հյուրերին ստիպել ուտել 15 օրվա խոզի բուդ, 3 օրվա «ստալիչնի» և 4 օրվա բլինչիկ․ Փաշինյան (տեսանյութ)
ՏեսանյութերԺամանակակից աշխարհում ծխելուց ոչ պակաս վտանգավոր երևույթ է սխալ սնվելը, ինչն ամանորյա շրջանում մեզ համար խնդիր է: Այդ մասին կառավարության նիստին ասաց վարչապետ Նիկոլ Փաշինյանը:
«ՀՀ քաղաքացիներին ուզում եմ կոչ անել, ներողություն եմ խնդրում ինձ նման իրավունք վերապահելու համար, բայց կարծում եմ, որ պետք չէ բոլոր հյուրերին ստիպել, որ ուտեն խոզի բդից, հետո սեղանի վրա եղած ամեն ինչից փորձել, ընդ որում, վիրավորվելու տրամաբանությամբ՝ բա այսքանը պատրաստել ենք, որ վերջում փչանա՞»,-նշեց վարչապետը:
Նիկոլ Փաշինյանն ընդգծեց, որ քաղաքացիների ուտելու կարողությունները սահմանափակ են և պետք է դա հաշվի առնել, առավել ևս ոչ առաջին թարմության մթերքի:
«Մենք ուզում ենք, որ մարդիկ, տնային տնտեսուհիները դեկտեմբերի 31-ի ամբողջ օրը չանցկացնեն տոլմա փաթաթելու և այլ պրոցեսների վրա: Որովհետև տոլման ու մնացած ամեն ինչը պետք է ուտել թարմ վիճակում: Չի կարելի մի օրում պատրաստել 5 օրվա ուտելու մթերք, որովհետև դա բոլոր դեպքերում վնասակար է: Մեր ամենահարազատներին ստիպում ենք ՝ պիտի սա էլ ուտես, սա էլ, սա էլ՝ 3 օրվա ստալիչնի սալաթը, 4 օրվա բլինչիկը, 15 օրվա խուզի բուդը, մի՛ արեք: Պատրաստեք այնքան, որքան իրական է ուտելը: Պետք չէ տոնակատարությունն անցկացնել սննդի դեպրեսիվ սեղանների շուրջ», - ասաց Նիկոլ Փաշինյանը:
ՈՒՂԻՂ ԵԹԵՐ
Ամենադիտված 
«Մարինան նույնպես չկարողացավ հաղթել այդ չարիքին». Իրինա Թովմասյանը ցավալի լուր է հայտնել
