Քասախ գյուղի 37 համարի երթուղու վարորդները գործադուլ են սկսել (տեսանյութ)

Կոտայքի մարզի Քասախ գյուղում 37 համարի երթուղին սպասարկող վարորդները գործադուլ են հայտարարել։

Վարորդները ցանկանում են տոնական օրերին լիարժեք՝ 7-օրյա արձակուրդ:

Գործադուլ է հայտարարել ավելի քան 20 վարորդ, ովքեր նշում են, որ 37 համարի երթուղին սպասարկող ընկերության տնօրենը վարորդներին տոնական օրերի համար տրամադրում է ընդամենը մեկ հանգստյան օր, մինչդեռ այլ համարներ սպասարկող երթուղիների վարորդներն ունեն 7-օրյա արձակուրդ։

«Մեր պահանջները չբավարարելու դեպքում այսօր ամբողջ օրը չենք աշխատելու: Ուզում ենք ամանորին 1 օրվա փոխարեն ընդամենը 3 օր չաշխատել, մեր տնօրինությունը փոխզիջումների չի գնում: Մեր պահանջներից է նաև այն, որ հանգստի մեջ գտնվող վարորդը իր գրպանից չվճարի այդ արձակուրդի համար: Այդ գումարը օրական կազմում է 6200 դրամ»,- նշեց վարորդներից մեկը:  

Գործադուլի ընթացքում վարորդներից մեկը հեռախոսազրույց է ունեցել երթուղու տնօրենի հետ, ով նշել է, որ 1 օրվա փոխարեն կարող են չաշխատել 3 օր, սակայն վարորդներին չի բավարարում այդ տարբերակը, քանի որ պարտավորված են վճարել իրենց հանգստի համար:

Տեսանյութը՝ Tert.am