Մխիթարյանի «կարիճ» գոլը՝ BBC-ի վարկածով տասնամյակի հիշարժան պահերի ցանկում (տեսանյութ)

Բրիտանական BBC-ն ներկայացրել է ֆուտբոլի ամենահիշարժան իրադարձությունները՝ սկսած 2010 թվականից: 
Ցանկում է նաև Հենրիխ Մխիթարյանի գոլը, որը ֆուտբոլիստը հեղինակել էր «Մանչեսթեր Յունայթեդ»-ի կազմում հանդես գալու շրջանում:

Ցանկում ընգրկվել է Հենրիխ Մխիթարյանի «կարիճ» հարվածով գոլը «Սանդերլենդ»-ի դարպասին:

«Մանչեսթեր Յունայթեդ»-ում Հենրիխ Մխիթարյանի կարիերան իրադարձություններով լի չէր, սակայն հայ կիսապաշտպանը հավերժ կհիշվի «Օլդ Թրաֆորդ»-ում՝ շնորհիվ հնարքի, որը Ժոզե Մոուրինյոն բնութագրեց որպես «ֆուտբոլի գեղեցկություն»»,- գրում է BBC-ն:

Հայաստանի ընտրանու ավագը գոլը հեղինակել էր 2016 թվականի դեկտեմբերի 26-ին Անգլիայի առաջնության շրջանակներում «Մանչեսթեր Յունայթեդ»-ի ու «Սանդերլենդ»-ի միջև հանդիպմանը: 

Հիշեցնենք, որ Մխիթարյանը այժմ հանդես է գալիս «Ռոմա»-ում: