ՀՀ ամենախոշոր պարտատերերը միջազգային կազմակերպություններն են

ՀՀ ֆինանսների նախարարությունը հրապարակել է Հայաստանի պետական պարտքի մասին տեղեկատվությունը։ 2012թ.-ի հուլիսի դրությամբ այն կազմել է 1,793.9 մլրդ ՀՀ դրամ, որտեղ ՀՀ կառավարության պարտքը կազմում է 1,484.2 մլրդ դրամ, իսկ ՀՀ կենտրոնական բանկինը՝ 247.8 մլն դրամ: Կառավարության պարտքի կազմում արտաքին պարտքի բաժինը կազմում է 1,262.6 մլրդ դրամ, իսկ ներքինինը՝ 221.6 մլն դրամ:

2012թ.-ի հուլիսի վերջի դրությամբ արձանագրված պետական պարտքի 70.5%-ը բաժին է ընկնում միջազգային կազմակերպություններին, իսկ օտարերկրյա պետություններին՝ 29.5%-ը:

Միջազգային կազմակերպությունների շարքում ՀՀ ամենամեծ պարտատերերն են՝ Զարգացման Միջազգային Ընկերակցությունը (IDA)՝ ընդհանուր պարտքի 32.7% կամ $1,221.8 մլն, և Արժույթի Միջազգային Հիմնադրամը (IMF)՝ 22.2% կամ $822.7 մլն մասնաբաժիններով:

Օտարերկրյա պետությունների կազմում ՀՀ խոշոր պարտատերերն են՝ Ռուսաստանի Դաշնությունը՝ 13.5% կամ 500.2 մլն ԱՄՆ դոլար և Ճապոնիան՝ 10.6% կամ 392.8 ԱՄՆ դոլար մասնաբաժիններով: