ՀՀ քաղաքացիական ծառայությանը լրացուցիչ գումար կհատկացվի

ՀՀ քաղաքացիական ծառայության վերակազմակերպման և կառուցվածքային փոփոխությունների հետևանքով 2012թ.-ի ինն ամսում ավելացել է քաղաքացիական ծառայության կադրերի կարճաժամկետ ռեզերվում գրանցված քաղաքացիական ծառայողների թիվը՝ կադրերի կարճաժամկետ ռեզերվում գրանցվել է ՀՀ գյուղատնտեսության նախարարության 6 և ՀՀ ԱԻ փրկարար ծառայության աշխատակազմի 18 քաղաքացիական ծառայող:

ՀՀ պետական բյուջեով 2012 թ.-ին այդ նպատակի համար նախատեսված է եղել 79,489.5 հազար դրամ (աշխատողների աշխատավարձեր և հավելավճարներ հոդվածով՝ 65,707.7 հազար դրամ և պարտադիր սոցիալական ապահովության վճարներ՝ 13,781.8 հազար դրամ), իսկ վերակազմակերպումից և կառուցվածքային փոփոխություններից հետո կարճաժամկետ ռեզերվում գրանցված քաղաքացիական ծառայողների աշխատավարձի փաստացի ծախսը կկազմի 91,733.6 հազար դրամ գումար (աշխատողների աշխատավարձեր և հավելավճարներ հոդվածով՝ 76,384.9 հազար դրամ և պարտադիր սոցիալական ապահովության վճարներ՝ 15,348.7 հազար դրամ):

Քաղաքացիական ծառայության կադրերի կարճաժամկետ ռեզերվում գրանցված քաղաքացիական ծառայողների վարձատրությունը 2012թ.-ի ինն ամսում սահմանված կարգով ապահովելու համար անհրաժեշտ է լրացուցիչ հատկացնել 12,244.1 հազար դրամ գումար (աշխատողների աշխատավարձեր և հավելավճարներ հոդվածով՝ 10677.2 հազար դրամ և պարտադիր սոցիալական ապահովության վճարներ՝ 1566.9 հազար դրամ):