Ասկերանի քաղաքապետ է ընտրվել Հայկ Շամիրյանը
Արցախ
Ասկերանի քաղաքապետ է ընտրվել մինչ այդ փոխքաղաքապետի պաշտոնը զբաղեցրած, «Ազատ հայրենիք» կուսակցության անդամ Հայկ Շամիրյանը: Այս մասին հայտնում է Արցախի նախագահի թեկնածու, «Ազատ հայրենիք» կուսակցության ղեկավար Արայիկ Հարությունյանը:
«Հարգելի՛ հայրենակիցներ
Քիչ առաջ Ասկերան քաղաքում ավարտվել է տեղական ինքնակառավարման մարմինների լրացուցիչ ընտրությունների քվեների հաշվարկը։ Առաջադրված երկու թեկնածուները՝ Հայկ Շամիրյանը և Գրիգորի Մուսայելյանը, «Ազատ հայրենիք» կուսակցության անդամներ են։ Մրցակցային ընտրապայքարում քվեարկությանը մասնակցած 1042 ընտրողներից 634 ձայնով քաղաքապետ է ընտրվել մինչ այդ փոխքաղաքապետի պաշտոնը զբաղեցրած Հայկ Շամիրյանը։ Շնորհակալություն հայտնելով երկու թեկնածուներին ազնիվ և համերաշխ ընտրապայքար անցկացնելու համար՝ ցանկանում եմ ընդգծել, որ ասկերանցիները շատ լավ օրինակ ծառայեցին համապետական ընտրություններից առաջ։
Իսկ նորընտիր քաղաքապետին մաղթում եմ հաջողություն և ցանկանում, որ կարողանա հաջողությամբ կյանքի կոչել նաև լուսահոգի Սամվել Աղաջանյանի կիսատ թողած ծրագրերը։
Կեցցե ՛ «Ազատ հայրենիք»-ը»,- գրել է Հարությունյանը։
ՈՒՂԻՂ ԵԹԵՐ
Ամենադիտված 
Ծեծկռտուք Մոսկվայի ռեստորաններից մեկում՝ հայտնի գործարարի և «Դոն Պիպոյի» միջև․ վերջինս թիկնապահի հետ փախուստի է դիմել (տեսանյութ)
