Մեծ Բրիտանիայում արտակարգ դրություն է հայտարարվել

Մեծ Բրիտանիայի վարչապետ Բորիս Ջոնսոնը երկրում արտակարգ դրություն է հայտարարել առնվազն երեք շաբաթով: Այս մասին կառավարության ղեկավարը հայտնել է երկուշաբթի երեկոյան BBC֊ին տված հարցազրույցում:

«Բոլորիս համար ժամանակն է սկսելու ավելին անել վիրուսի տարածման դեմ պայքարի շրջանակներում։ Այսօր երեկոյան ես բրիտանացիներին տալիս եմ շատ պարզ ցուցում. Դուք պետք է մնաք տանը: «Հետևաբար, մարդկանց թույլատրվելու է լքել իրենց տները միայն շատ անհրաժեշտ դեպքերում: Միացյալ թագավորության բնակիչները կկարողանան խանութներ այցելել առավել անհրաժեշտ ապրանքների համար, և դա պետք է արվի հնարավորինս հազվադեպ: Օրական մեկ անգամ ձեզ թույլատրվում է լքել տան տարածքը` մաքուր օդում սպորտով զբաղվելու համար: Արգելվում է հավաքվել ավելի քան երկու հոգանոց խմբերով, եթե մենք չենք խոսում միասին ապրող մարդկանց մասին: Բժշկական օգնություն տրամադրելու կամ խոցելի մարդկանց օգնելու համար նույնպես կթույլատրվի հեռանալ տնից, բայց միայն այն դեպքում, երբ դա իսկապես անհրաժեշտ է։

Կարող եմ հավաստիացնել ձեզ, որ մեր ներկայացրած սահմանափակումները պարբերաբար կվերանայվեն: Երեք շաբաթ անց մենք կվերաարժևորենք իրավիճակը և կմեղմացնենք դրանք, եթե ստացված տվյալները ցույց տան, որ մենք, իսկապես, կարող ենք դա անել։

Ճանապարհը, որով քայլում ենք այժմ, դժվար է, և, ավաղ, իրականությունն այն է, որ մենք շատերին կկորցնենք»,֊ասել է վարչապետը: