Կադաստրի կոմիտեն հորդորում է քաղաքացիներին օգտվել առցանց ծառայություններից

Կադաստրի կոմիտեն հորդորում է քաղաքացիներին օգտվել առցանց ծառայություններից: Այս մասին ասված է կոմիտեի «Ֆեյսբուք» սոցիալական ցանցի էջում:

«Շարունակե՛ք օգտվել մեր առցանց ծառայություններից️: Հարգելի քաղաքացիներ, տեղեկացնում ենք, որ Կադաստրի կոմիտեի սպասարկման գրասենյակներում շարունակում ենք ընդունել միայն դիմումների հետևյալ տեսակները՝ գույքի նկատմամբ իրավունքների և սահմանափակումների պետական գրանցման, իրավունքի դադարման պետական գրանցման, անշարժ գույքի հասցեի գրանցման, անվանափոխման վերաբերյալ գրառման կատարման, գույքի նկատմամբ գրանցված իրավունքների առկայության մասին, ներկայացված փաստաթղթերի հետ վերադարձի, նոր վկայականի տրամադրման, սխալների ուղղման, վարույթի դադարեցման, փաստաթղթերի պատճենների տրամադրման»,-ասված է հաղորդագրության մեջ։

«Միաժամանակ տեղեկացնում ենք, որ ներկայացված դիմումների հիման վրա կազմված բոլոր ավարտական փաստաթղթերը (բացառությամբ` պատճենների և հետ վերադարձված փաստաթղթերի) հնարավոր է ստանալ միայն www.e-cadastre.am էլեկտրոնային կայքի միջոցով։ Էլեկտրոնային եղանակով դիմումներ ներկայացնելիս առաջացած հարցերի դեպքում խնդրում ենք զանգահարել հետևյալ հեռախոսահամարներով՝ 060-474207, 060-474205, 060-474221, 060-474220  հեռախոսահամարներով»,-ասված է հաղորդագրության մեջ: