Կենդանիներին մեքենայից կապած անձի ինքնությունը պարզվել է

ՀՀ ոստիկանությունը պարզաբանում է ներկայացրել այսօր համացանցում արված հրապարակման վերաբերյալ, ըստ որի՝ «կենդանիներին կապել են մեքենայից և քարշ տվել ասֆալտով»։

Հրապարակման հիման վրա ոստիկանության Էրեբունու բաժնի ծառայողները ձեռնարկել են համապատասխան միջոցառումներ ու պարզել արարքը կատարած անձի ինքնությունը։

Քաղաքացին, որը Երևանի բնակիչ է, այս պահին ոստիկանության Էրեբունու բաժնում է։ Դեպքի առթիվ նյութեր են նախապատրաստվում։