Աննա Հակոբյանը շնորհակալություն է հայտնում «Ժպիտների քաղաք» հիմնադրամի նվիրատուներին

ՀՀ վարչապետ Նիկոլ Փաշինյանի տիկին Աննա Հակոբյանն Ինստագրամի իր էջում գրում է.

««Ժպիտների քաղաք» բարեգործական հիմնադրամի և մեր բոլոր շահառուների անունից մեր խորին երախտագիտությունն ենք հայտնում այն բոլոր անհատներին ու կազմակերպություններին, որոնք նույնիսկ այս ծանր օրերին շարունակում են օգնության ձեռք մեկնել քաղցկեղ և արյան հիվանդություններ ունեցող մեր շահառուներին՝ ապահովելով նրանց բուժման շարունակականությունը:

Ձեր նման բարեկամների շնորհիվ է, որ «Ժպիտների քաղաք» հիմնադրամը հիմա՝ կորոնավիրուսային վարակի (COVID-19) համաճարակի ընթացքում, առավել, քան երբևէ, հավատարիմ է իր առաքելությանը և շարունակում է աջակցել «քաղցկեղ» ախտորոշման հետ բախված երեխաներին ու երիտասարդներին՝ ամբողջությամբ հոգալով ՀՀ-ում նրանց բուժման ծախսերը:

Առողջ եղեք և շարունակեք բարություն տարածել։
Միասին կարող ենք կյանքեր փրկել»:

 

 

 

Посмотреть эту публикацию в Instagram

Публикация от Anna Hakobyan (@annahakobyan.official) 28 Мар 2020 в 4:55 PDT