Նրանց համար, ովքեր ասում են` երջանկությունը փողի մեջ չէ

Եղիշե Սարգսյանը Ֆեյսբուքի իր էջում գրում է.

«Տենց մարդիկ կան չէ՞, որ ամեն երկրորդ բառից պնդում են, որ երջանկությունը փողի մեջ չէ: Նայում ես, մարդիկ, ովքեր կարող են մի կազինո գնալուց պարտվել կես միլիոն ու գնալ տուն նենց տրամադրությամբ, որ ոչ մի բան չի եղել: Մարդիկ, ովքեր կարող են մի շոփինգի ժամանակ մի ընտանիքի մի տարվա բյուջեի չափ գումար ծախսել, պնդում են, որ երջանկությունը փողի մեջ չի:
Իսկ դու փորձի դա համոզես էն մորը, ով ուրիշի կեղտոտած ննջասենյակներն ա մաքրում՝ ծնկած հատակին, որպեսզի կերակրի իր հիվանդ երեխային:
Իսկ դու փորձի դա համոզես էն մորը, ով 20 տարեկանից էդ երեխուն միայնակ ա մեծացնում, ում ամեն 100 դրամը հաշված ա, ով հագնում ա 10 տարի առաջ նվեր ստացած շորը, որպեսզի կարողանա երեխուն նոր դեղ հասցնի:
Իսկ դու փորձի դա համոզես էն հորը, ով սղության պատճառով իր 10 տարեկան երեխեքին թողել ու գնացել ա Ռուսաստան ու գալիսա տարվա մեջ 20 օրով՝ Նոր տարուն, կարոտը առնում, էլի գնում ա: Ինչի՞, որ երեխեքը սեպտեմբերին գնան դասի:
Կամ դու փորձի համոզես աաայ էն մայթի վրա նստած ծեր տատիկին, ով 30 դրամի համար մինչև ժամը 10ը ստիպված ա նստել ու կանաչի վաճառել, որ գոնե տուն գնալու տոմսի փողը աշխատի...
Մարդիկ, ովքեր ծնվել են շքեղության մեջ, (ես իրենց ոչինչ չունեմ ասելու, միայն ուրախ եմ իրենց համար), փորձում են այ վերը թվարկած մարդկանց համոզել, որ երջանկությունը փողի մեջ չէ...»: