Արցախում ընտրություններին քվեարկել է ընտրողների 72,7 տոկոսը

Արցախում այսօր՝ մարտի 31-ին, ժամը 20:00-ի դրությամբ Արցախի նախագահի եւ խորհրդարանական ընտրություններին մասնակցել է 76 471  ընտրող կամ ընտրողների ընդհանուր թվի 72,7 տոկոսը: Այս մասին հայտարարեց ԼՂՀ կենտրոնական ընտրական հանձնաժողովի նախագահ Սրբուհի Արզումանյանը:

Նա ներկայացրեց ընտություններին ակտիվությունն ըստ շրջանների:

Ըստ այդմ, Ստեփանակերտում քվեարկել է  27 893 ընտրող, որը կազմում է ընտրողների ընդհանուր թվի   70,6 տոկոսը:

Ասկերան -  9611 ընտրող կամ 79,4 տոկոսը

Հադրութում –   6707 ընտրող կամ 76,3  տոկոսը

Մարտակերտ -  9942 ընտրող կամ 73,3  տոկոսը

Մարտունի –   12 657 կամ  72,5 տոկոսը

Շահումյան –  1600 ընտրող կամ 74,8  տոկոսը

Շուշի –   2853 ընտրող կամ  71,7 տոկոսը

Քաշաթաղ –  4799 ընտրող կամ 67,5 տոկոսը

Երեւան-  409 ընտրող կամ  52,2տոկոսը:

Այս պահին ընտրատեղամասերում ընթանում են նախագահական և խորհրդարանական ընտրությունների քվեարկության արդյուքների ամփոփման նիստերը, որոշ տեղամասերում դրանց հնարավոր է հետևել օնլայն: 

Սրբուհի Արզումանյանը տեղեկացրեց, որ Ընտրական օրենսգրքի համաձայն տեղամասային ընտրական հանձնաժողովների կողմից ընտրությունների աղյուսակավորումը պետք է իրականացվի մինչև ապրիլի 1-ի ժամը 14:00-ն: Դրանք պարբերաբար կներկայացվեն ԿԸՀ, որը իրականացված աղյուսակավորման արդյունքներով  մինչև ապրիլի1-ի ժամը 20:00 կամփոփի ընտրությունների նախնական արդյունքները: