Թենիսիստ Քեվին Կրավիցը կորոնավիրուսի համաճարակի ժամանակ աշխատում է հանրախանութում

Ֆրանսիայի 2019 թվականի «Թենիսի բաց առաջնության» հաղթող գերմանացի Քեվին Կրավիցն ասել է, որ կորոնավիրուսային պանդեմիայի ժամանակ աշխատանքի է անցել սուպերմարկետում։ Ավելի վաղ Թենիսի պրոֆեսիոնալ ասոցիացիան (ATP) և Կանանց թենիսի ասոցիացիան (WTA) համատեղ որոշում էին կայացրել կասեցնելու բոլոր մրցաշարերը կորոնավիրուսի տարածման պատճառով:
«Որպես պրոֆեսիոնալ, հատուկ թույլտվության շնորհիվ ես կարող եմ մարզվել թենիսի սրահում, քանի որ շաբաթական երեք կամ չորս անգամ եմ խաղում: Արդեն մի քանի շաբաթ է, ինչ ընկերոջս հետ 450 եվրոյի դիմաց աշխատում եմ հանրախանութում։ Երբ տեսնում եմ, որ երշիկեղենի և պանրի դարակները դատարկ են, ես դրանք դասավորում եմ, ապա հավաքում դատարկ տուփերը: Անցած շաբաթ ես աշխատում էի որպես պահակ, ախտահանող միջոցով սրբում առևտրի սեղանները», - ասում է Քեվին Կրավիցը։
«Ես վաղուց եմ պլանավորել փորձել նորմալ աշխատանքի անցնել: Կորոնավիրուսային պանդեմիայի շնորհիվ այժմ ունեմ նման հնարավորություն», - ավելացրել է թենիսիստը: Կրավիցը հաղթել է 2019 թվականին «Ռոլան Գարոսը» իր հայրենակից Անդրեաս Միեսի հետ հետ միասին: