Ռուսաստանում խորհրդարանական ընտրություններ են

Ռուսաստանի բոլոր շրջաններում սկսվել են խորհրդարանական ընտրությունները։ Մոսկվայի ժամանակով ժամը 9.00-ին վերջին ընտրատեղամասերը բացվեցին Կալինինգրադի նահանգում։ Այս պահին ողջ Ռուսաստանի տարածքում ընթանում է քվեարկություն։ Առաջին ընտրատեղամասերը կփակվեն Հեռավոր Արևելքում՝ Մոսկվայի ժամանակով ժամը 12.00-ին (տեղական ժամանակով 20.00-ին)։

Ռուսաստանում ընտրելու իրավունք ունի շուրջ 108 մլն մարդ։ Այսօր՝ դեկտեմբերի 4-ին, Ռուսաստանում խորհրդարանի ստորին պալատի ընտրություններ են։ Ընտրություններին մասնակցում են յոթ կուսակցություններ՝ «Սպրավեդլիվայա Ռոսիյա», ԼԴՊՌ, «Պատրիոտի Ռոսիի», ԿՊՌՖ, «Յաբլոկո», «Եդինայա Ռոսիյա» և «Պռավոե դելո»։ Առաջին անգամ Պետդուման կընտրվի հինգ տարի ժամկետով. մինչ այդ Դումայի պատգամավորների լիազորությունները սահմանափակվել են չորս տարի ժամկետով։

Խորհրդարան անցնելու համար կուսակցությունները պետք է հաղթահարեն 7 տոկոսանոց շեմը։ Ընտրությունների արդյունքում կընտրվեն Դումայի 450 պատգամավոր։