Կալիֆորնիայի նահանգապետը մերժել է Համբիկ Սասունյանի ազատ արձակման որոշումը

Կալիֆորնիայի նահանգապետ Գևին Նյուսոմը մերժել է բանտարկյալների ներման դիմումները քննող խորհրդի՝ Համբիկ Սասունյանին ազատ արձակելու որոշումը:

Այս մասին գրել է  «Ասպարեզ»-ը:

Նահանգապետի համոզմամբ՝ Սասունյանը չի կարողացել բավարար ժամանակում ապացուցել, որ ձեռք է բերել անհրաժեշտ հմտություններ, որոնք կարող է կիրառել կյանքում:

«Մտահոգված եմ, որ Սասունյանը շարունակաբար թերագնահատում է իրենից պահանջվող աչալրջությունը, ներկայում և ապագայում՝ հետևողականորեն գործելու օրենքի պահպանման և նույնիսկ անուղղակիորեն բռնություն հրահրելուց խուսափելու վարքագծով»,-ասվում է նամակում:

Նյուսոմը եզրափակել է իր որոշումը՝ նշելով, որ քննել է պետք արձանագրված փաստերը: «Համոզված եմ, որ Սասունյանը հավելյալ աշխատանք պետք է կատարի ազատ արձակվելուց առաջ: Կարծում եմ, որ նա դեռևս վտանգավոր է հասարակության համար: Եթե նա ազատ արձակվի, ես կբեկանեմ խորհրդի որոշումը»,-շեշտել է նահանգապետը:

Նահանգապետի որոշումից հետո Սասունյանի պաշտպանական թիմի խոսնակն «Ասպարեզ»-ին հայտնել է, որ մեծապես հիասթափված են Նյուսոմի որոշումից:

«Բանտում անցկացրած տարիներին Համբիկն արել է ամեն ինչ իր վարքագիծը լավացնելու համար  և դարձել է օրինակելի բանտարկյալ:  Դա փաստ է, որն անգամ նահանգապետն է ընդունել: Հուսանք, որ ինչպես նախկինում նահանգապետը տեղի չի տվել թուրքական  կառավարության ճնշումներին՝ Սպիտակ տունն օգտագործելով իր նպատակների համար»,-հավելել է խոսնակը:

Ըստ խոսնակի՝ բանտարկյալների ներման դիմումները քննող խորհուրդը պետք է շարունակի աշխատանքը և փորձի այլ ճանապարհներ գտնել Սասունյանին ազատ արձակելու համար:

Համբիկ Սասունյանը ցմահ ազատազրկման էր դատապարտվել 1982 թվականին Լոս Անջելեսում Թուրքիայի գլխավոր հյուպատոսի սպանության համար:

Այս թեմայով Սասունյան. Հայաստանը պետք է օգտագործի Ադրբեջանի և Թուրքիայի միջև եղած տարաձայնությունները Արդյոք Փաշինյանը պե՞տք է մեկնի Բ​աքու Ալիևի հրավերով՝ մասնակցելու միջազգային համաժողովին. Հարութ Սասունյան Երբեք չեմ լսել, որ աշխարհի որևէ երկրի ղեկավար 29 օրյա արձակուրդ գնա․ Հարութ Սասունյան ՍԴՀԿ կենտրոնական վարչության ատենապետ Համբիկ Սարաֆյանի գլխավորած պատվիրակությունը այցելել է Արամ Ա կաթողիկոսին Փաշինյանն ընդունել է ՍԴՀԿ Կենտրոնական վարչության ատենապետ Համբիկ Սարաֆյանին