Խոշոր ավտովթար Գեղարքունիքի մարզում. բախվել են Audi-ն, ВАЗ 2121-ն ու ВАЗ 2106-ը. կան վիրավորներ
Արտակարգ Պատահար
Երեկ՝ մայիսի 30-ին, խոշոր ավտովթար է տեղի ունեցել Գեղարքունիքի մարզում:
Shamshyan.com-ի հաղորդմամբ ժամը 20:00-ի սահմաններում Սևան-Մարտունի-Գետափ ավտոճանապարհի 17-րդ կմ հատվածում բախվել են Ծովազարդ գյուղի բնակիչ, 68-ամյա Սաշա Գ.-ի վարած ВАЗ 2121 մակնիշի, Դիլիջան քաղաքի բնակիչ, 33-ամյա Արտյոմ Մ.-ի վարած Audi մակնիշի և Ծովազարդ գյուղի բնակիչ, 47-ամյա Ազատ Ե.-ի վարած ВАЗ 2106 մակնիշի ավտոմեքենաները:
Վթարի հետևանքով Արտյում Մ.-ի ուղևորներ, Ծովազարդ գյուղի բնակիչներ, 30-ամյա Ս. Մ.-ն, 11-ամյա Տիգրան Մ.-ն և 4-ամյա Վիկտորիա Մ.-ն մարմնական վնասվածքներով տեղափոխվել են «Գավառ» բժշկական կենտրոն:
Օպերատիվորեն ժամանել է Արտակարգ իրավիճակների նախարարության փրկարար ծառայության Գեղարքունիքի մարզային փրկարարական վարչության հրշեջ-փրկարարական ջոկատը:
Վերջիններս հոսանքազրկել են ավտոմեքենաները, փակել գազաբալոններն ու սահմանազատել տարածքը:
Օպերատիվորեն ժամանել են նաև «Ռեսո», «Նաիրի Ինշուրանս» և «Արմենիա Ինշուրանս» ապահովագրական ընկերությունների ներկայացուցիչները: Ֆոտոլրագրողը հայտնում է նաև, որ նշված վթարից հետ նույն վայրում հետաքրքրասեր վարորդների մեղքով բախվել են Mercedes-ը, Opel-ն ու ВАЗ 21099 մակնիշի ավտոմեքենաները:
Բարեբախտաբար, նշված վթարի փաստով տուժածներ չկան:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
