Ավարտվեցին ՌԴ պետդումայի ընտրությունները

Ռուսաստանի Դաշնության ԿԸՀ-ն գրեթե ավարտում է ընտրությունների ձայների հաշվարկը: Արդեն պարզ է Պետդումայի վեցերորդ գումարման նախնական տվյալները:

7 %-անոց շեմը հաղթահարել են ընտրությանը մասնակցած 7 կուսակցություններից 4-ը:

1-ին տեղում է «Единая Россия» կուսակցությունը, որը հավաքել է ընտրողների մոտ 50%-ը և Պետդումայում ապահովել 238 մանդատ 450-ից: 2-րդ տեղում է «КПРФ» կուսակցությունը, որը հավաքել է ձայների գրեթե 20%-ը և ապահովել 92 մանդատ: 13%-ից մի փոքր ավելի ձայներ հավաքել է «Справедливая Россия» կուսակցությունը՝ ապահովելով 64 մանդատ: «ЛДПР» կուսակցությունը մոտավոր հավաքել է ձայների 12%-ը և ապահովել 56 մանդատ:

Մնացած 3 կուսակցությունները՝ «Яблоко», «Патриоты России» և «Правое дело», չկարողացան ապահովել անցողիկ շեմը և դուրս մնացին պայքարից:

Ընտրությունների վերջնական հաշվարկները պետք է ամփոփվեն մինչև դեկտեմբերի 19-ը: