Հարսանեկան օպերատորի տեսախցիկը որսացել է Բեյրութի պայթյունի կադրերը (տեսանյութ)
ՏեսանյութերՕգոստոսի 4-ին Բեյրութում որոտացած պայթյունի կադրերը ֆիքսել է հարսանիք տեսանկարահանող օպերատորի խցիկը։ Հարսնացուն՝ Իսրա Սեբլանին, որը ԱՄՆ֊ի բնակիչ է և հատուկ եկել էր Բեյրութ՝ հարսանեկան արարողությունների համար, պատմել է կատարվածի մասին։ «Մենք երկնքում ուժեղ ծուխ նկատեցինք, ապա ծխի գույնը սկսեց փոխվել: Հասկացանք, որ ինչ-որ բան է այրվում, բայց չէինք կարծում, որ դա կարող է պայթյուն լինել: Վայրկյաններ անց մենք լսեցինք պայթյունի ձայնը՝ նախքան ալիքը կհարվածեր մեզ: Այն գեղեցիկ վայրը, որտեղ մենք նկարահանումներ էինք իրականացնում, վերածվեց նախկին քաղաքի ուրվականի: Ողջ շրջակայքը կորավ փոշու մեջ, ապակիները փշրվեցին, իսկ արյան մեջ կորած մարդիկ ճչում էին: Ամեն ինչ մղձավանջի էր նման», - պատմում է Իսրաան:
Ամենադիտված 
Մնաս բարյավ. Րաֆֆի Հովհաննիսյան
