ՀՀ անշարժ գույքի շուկան 2012թ.-ի առաջին կիսամյակում

Ըստ ՀՀ կառավարությանն առընթեր անշարժ գույքի պետական կոմիտեի ամփոփ տեղեկատվության` 2012թ.-ի հունվար-հունիսին բազմաբնակարան շենքերի բնակարանների նկատմամբ գործարքների քանակն ըստ ՀՀ մարզերի և Երևան քաղաքի ունի հետևյալ տեսքը.

2012թ.-ի առաջին կիսամյակում ՀՀ-ում, ընդհանուր առմամբ, իրականացվել է օտարման 8,109 գործարք, որից միայն 5,565-ը իրականացվել է Երևան քաղաքում: 8,109 օտարման գործարքից 5,954-ը եղել է առուվաճառքի, 2,080-ը՝ նվիրատվության, իսկ 75-ը՝ փոխանակության:

Բնակելի տների (առանձնատների) նկատմամբ իրականացվել է օտարման 3,672 գործարք, որից 2,308-ը՝ առուվաճառքի, 1,352-ը՝ նվիրատվության:

Ամառանոցների նկատմամբ 2012թ.-ի առաջին կիսամյակում իրականացվել է առուվաճառքի 135, նվիրատվության 32 գործարք: Առուվաճառքի գործարքների մեծ մասն իրականացվել է Կոտայքի մարզում (86 գործարք):

Հասարակական նշանակության օբյեկտների նկատմամբ իրականացվել է 981 առուվաճառքի, 182 նվիրատվության և փոխանակության 16 գործարք: Առուվաճառքի 544 գործարքն իրականացվել է միայն Երևան քաղաքում:

Արտադրական նշանակության օբյեկտների նկատմամբ ՀՀ-ում իրականացվել է առուվաճառքի 245, նվիրատվության 35 և փոխանակման 11 գործարք: Հետևյալ գործարքների մեծ մասն իրականացվել է Երևան քաղաքում:

2012թ.-ի առաջին կիսամյակում ՀՀ-ում հողերի (այդ թվում՝ գյուղատնտեսական նշանակության) նկատմամբ իրականացվել է առուվաճառքի 5,895, նվիրատվության 850 և փոխանակման 40 գործարք: Հողերի վաճառքի 1,272 գործարք իրականացվել են միայն Կոտայքի մարզում:

Ընդհանուր առմամբ, 2012թ.-ի առաջին կիսամյակում ՀՀ-ում իրականացվել է անշարժ գույքի օտարման 21,102 գործարք, որից առուվաճառքի՝ 16,347, նվիրատվության՝ 4,598 և փոխանակման՝ 157 գործարք:

Հայկազ Ղուբաթյան