Պահեստազորը չպետք է որևէ ձևով տարանջատել զինված ուժերից

Ցանկացած պարագայում, եթե նույնիսկ թուրքական գործոնի ակտիվությունը չդիտարկենք, ապա լայնամասշտաբ ռազմական գործողությունների կամ նույնիսկ սահմանային ակտիվության պարագայում (եթե դրանք միջնաժամկետ կամ երկարաժամկետ բնույթ կրեն), պահեստազորի մասնակի կամ ամբողջական ներգրավվումը դառնում է պահանջված։

Այսինքն՝ պահեստազորի նոր մոդելների քննարկումը չպետք է դիտարկել միայն վերջին 1-2 ամսում ստեղծված իրադրությամբ։

Անկախ այն հանգամանքից, թե պահեստազորի մարտունակության բարձրացման, մոբիլիության ապահովման և տարբեր իրադրություններին օպերատիվ արձագանքելու ինչ ճանապարհ կընտրվի, այն պետք է բխի մեր անվտանգության աստիճանի բարձրացման առաջնահերթություններից։

Իհարկե շատ բան կախված է, թե վերջնական ինչ մոդել կընտրվի, ըստ այդմ էլ՝ շատ ավելի հստակ հնարավոր կլինի գնահատել ինչպես ներդրվող գաղափարի արդյունավետությունը, այնպես էլ, կանոնավոր բանակի վրա դրա հնարավոր դրական հետևանքները»,-այս մասին գրված է «Հենակետ» վերլուծական կենտրոնի ֆեյսբուքյան էջում։