Հետախուզվողները հայտնաբերվեցին

Սեպտեմբերի 3-ին, ժամը 10.00-ին, ոստիկանության Վանաձորի բաժնի ծառայողների ձեռնարկած միջոցառումների շնորհիվ, իր տնից բերման է ենթարկվել 1966 թ. ծնված Արթուր Ս.-ն, որը ս/թ սեպտեմբերի 1-ից հետախուզվում էր ՀՀ քրեական օրենսգրքի 242 հոդվածի 2-րդ մասի հատկանիշներով նախատեսված պատժի կրումից խուսափելու համար, այն է' ճանապարհային երթևեկության և տրանսպորտային միջոցների շահագործման կանոնները խախտելը, որն անզգուշությամբ առաջացրել է մարդու մահ:
Արթուր Ս.-ն ձերբակալված է:

Սեպտեմբերի 3-ին, ժամը 18.00-ին, ոստիկանության Գուգարքի բաժնի ծառայողները Բավրայի սահմանային անցակետում հայտնաբերել և բերման են ենթարկել 1977 թ. ծնված Սվետլանա Ս.-ին, որը ս/թ օգոստոսի 23-ից հետախուզվում էր պոռնկությամբ զբաղվելուն նպաստելու և շահագործման նպատակով մարդուն հավաքագրելու, փոխադրելու, հանձնելու, թաքցնելու կամ ստանալու մեղադրանքով:
Սվետլանա Ս.-ն ձեռբակալված է:

Սեպտեմբերի 3-ին, ժամը 14.00-ին, Գյումրիի բաժնի ծառայողների ձեռնարկած միջոցառումների շնորհիվ, Ղանդիլյան փողոցի թիվ 12 շենքի մոտից բերման է ենթարկվել 1968 թ. ծնված Արտյոմ Ս.-ն, որը ս/թ օգոստոսի 30-ից հետախուզվում էր խուլիգանության և իշխանության ներկայացուցչի նկատմամբ բռնություն գործադրելու մեղադրանքով: